2010, ഫെബ്രുവരി 10, ബുധനാഴ്‌ച

ഫെബ്രുവരിയിലെ പ്രണയ വ്യഭിചാരം.




-------------------------------------
ചത്ത വാക്കുകളിലെ
പ്രണയാര്‍ത്ഥങ്ങളില്‍,
ഹൃദയരക്തം
ഇറ്റി ചുവപ്പിച്ച
ഫെബ്രുവരി സന്ധ്യകളില്‍,
പ്രണയം
നഗരഭോഗങ്ങളില്‍ പെട്ട്
അലറി മരിക്കുന്നു.

''Wanna you be my valentine..? ''
ചങ്കില്‍ കാമം ജ്വലിക്കുന്ന വാക്കുകള്‍
ചോദ്യം- റൂഷിന്റെ.,
ഫ്രൂട്ടി ലിപ്സിനറെ.,
പെഡി ക്യൂറിന്റെ.,
മാനി ക്യൂറിന്റെ..,
കാമ സൌരഭ്യങ്ങളുടെയും
ചോദ്യ ശരങ്ങള്‍.

ആധുനികോത്തര നിഖണ്ടുവില്‍,
വാക്കുകള്‍ തിരഞ്ഞെടുക്കുന്നു.
കാമം.. രതിമോഹം..മാംസദാഹം.
പ്രണയത്തിനും,
നാനാര്‍ത്ഥങ്ങള്‍.

'ക്യാറ്റ് വാക്ക്' ചെയ്യാം.,
'റാമ്പില്‍' തിളങ്ങാം.,
ഇണ ചേരാനൊരു 'ഡേറ്റിങ്ങും'.

പബ്ബുകളില്‍ 'ജെന്നിഫെര്‍ ലോപ്പെസ്'
അരയിളക്കി പാടുന്നു.
നക്ഷത്ര സത്രങ്ങളിലെ,
ചുവന്ന വെട്ടം ചിതറും
ശീതള ലഹരിയില്‍
അസ്ഥികള്‍ പൂക്കുന്നു.
കാമത്തിന്‍റെ കരുത്തോടെ
'വാലെന്റയിന്‍ പുണ്യാളനു'
സ്തുതികള്‍ പായുന്നു.

നിശാ ദീപങ്ങള്‍ അണയുന്നു.
രതിമൂര്‍ച്ചകളുടെ
കൊള്ളിയാന്‍ വെട്ടങ്ങള്‍
എരിഞ്ഞടങ്ങുന്നു.
നഷ്ട്ട ബോധത്തിന്റെ
ചാരിത്ര നോവുകളില്‍,
വരുംകാല മാതൃത്വവും
അസ്വസ്ഥമാകുന്നു.

ചെറു ക്ലിനിക്കുകളില്‍
ഭ്രൂണഹത്യ വ്യാപാരം
പൊടി പൊടിക്കുന്നു.
'ലവ്സ് ലേബര്‍'
വെറും 'ലോസ്റ്റ്‌' ആകുന്നു!

നാളെകളുടെ
ഫെബ്രുവരി സന്ധ്യകള്‍.
മാതൃകാ ഫ്രൈമില്‍
ഒരുവന്റെ കുടുംബിനി.
വേറൊരുവളുടെ ഭര്‍തൃവേഷം..

കാലം നീങ്ങുന്നു.
പ്രണയ നാടകത്തിന്‍
തിരശീല താഴുന്നു.
അസ്ഥികള്‍ പഴുപ്പിച്ച
വൈറസ്സിന്റെ അദൃശ്യതയോടെ,
മരണം
പതിഞ്ഞ നിശ്വാസത്തില്‍
ഇണകളോട്
വീണ്ടും മൊഴിയുന്നു-
''Wanna you be my valentine..?''

----------------------------------------



.

7 അഭിപ്രായങ്ങൾ:

  1. പ്രണയാക്ഷരങ്ങളിൽ പ്രണയമില്ലാതെ പോകുന്നോ? വർഷത്തിൽ ഒരു മാസമെങ്കിലും പ്രണയിക്കുന്നവർക്ക് കൊടുത്തുകൂടെ?

    മറുപടിഇല്ലാതാക്കൂ
  2. ചെറു ക്ലിനിക്കുകളില്‍
    ഭ്രൂണഹത്യ വ്യാപാരം
    പൊടി പൊടിക്കുന്നു.
    'ലവ്സ് ലേബര്‍'
    വെറും 'ലോസ്റ്റ്‌' ആകുന്നു

    മനോഹരം..ആഹാ

    മറുപടിഇല്ലാതാക്കൂ
  3. കാലം നീങ്ങുന്നു.
    പ്രണയ നാടകത്തിന്‍
    തിരശീല താഴുന്നു.

    മറുപടിഇല്ലാതാക്കൂ
  4. Adunikatha kadannu vannittundu... Enthu cheyyan eppol anganeyokkeyanu pranayam....

    മറുപടിഇല്ലാതാക്കൂ
  5. നേരിന്റെ പ്രണയം ആണെങ്കില്‍ മാത്രം...

    മറുപടിഇല്ലാതാക്കൂ
  6. മനൂ,ആധുനിക പ്രണയത്തിനു നല്‍കിയ ഭാഷ്യം..നന്നായിരിക്കുന്നു........

    മറുപടിഇല്ലാതാക്കൂ
  7. വായിച്ചതിനും , അഭിപ്രായങ്ങള്‍ക്കും നന്ദി...
    ഹൃദയപൂര്‍വ്വം...

    മറുപടിഇല്ലാതാക്കൂ